मुरूम, खाज, लाल चट्टे व इतर त्वचारोगाचे प्रमाण ९ टक्क्यांनी वाढले आहे, जाणून घ्या काय काळजी घ्यावी!

Home remedies for skin allergies

गतवर्षीच्या तुलनेत यावर्षी त्वचाविकारांमध्ये आठ ते दहा टक्क्यांनी वाढ झाली आहे. नायटा, खरूज, त्वचेवर पुरळ येणे, गजकर्ण, त्वचेवर फोड येणे अशा तक्रारी वाढल्या आहेत.

हे विकार केवळ मोठ्यांनाच नाही तर लहानांमध्ये देखील आढळत आहेत.

सामान्य नागरिकाच्या मनात त्वचारोगाविषयी अनेक गैरसमज, अंधश्रद्धा, अज्ञान, संकोच, भीती असते. त्याविषयी उघडपणे बोलण्यास टाळाटाळ केली जाते. 

परिणामी उपचारांसाठी डॉक्टरांचा सल्लाही घेतला जात नाही. त्यामुळे हे विकार आणखी बळावतात. 

मागील दोन वर्षांच नायटा झालेल्या रूग्णांची संख्या दुपटीने वाढल्याचे डॉक्टरांनी सांगितले आहे. 

पूर्वी केवळ वयोवृद्ध व्यक्ती त्वचारोगांवर उपचारासाठी येत असत, मात्र आता सर्व वयोटातील व्यक्तींमध्ये त्वचारोगांचा प्रादुर्भाव होत असल्याचे निदर्शनास येत आहे.

मुरूम, खाज, लाल चट्टे व इतर स्किन अ‍ॅलर्जी झाल्यास ट्राय करा ‘हे’ रामबाण घरगुती उपाय!

आज आपण इथे असे काही रामबाण उपाय जाणून घेणार आहोत जे स्किन अ‍ॅलर्जीपासून मुक्ती मिळवून देण्यास अतिशय उपयुक्त आहे. ज्यांचा त्वचेवर कोणताही वाईट परिणाम देखील होणार नाही.

स्किन अ‍ॅलर्जी ही आजकाल प्रत्येकासाठीच एक मोठी समस्या बनली आहे. कधी चुकीच्या आहारशैलीमुळे तर कधी कोणत्या चुकीच्या क्रीम, कॉस्मेटिक्समुळे त्वचेवर रॅशेज, मुरुम, खाज अशा समस्या उद्भवू लागतात. 

या समस्या बहुतांश वेळा शरीर व चेह-यावर डाग देखील सोडून जातात. 

स्किन अ‍ॅलर्जी फुड अ‍ॅलर्जीपेक्षा खूप वेगळी आणि वेदनादायक असते. स्किन अ‍ॅलर्जीमध्ये शरीरावर लालसर चट्टे किंवा पुरळ येऊ लागतात.

स्किन अ‍ॅलर्जी खास करून तेव्हा होते जेव्हा आपली त्वचा कोणत्यातरी अशा गोष्टीच्या संपर्कात येते ज्यासाठी इम्युन सिस्टम त्याला रोखण्यासाठी अ‍ॅंटीबॉडीज रिलीज करते. 

बहुतांश वेळी ही अ‍ॅलर्जी सामान्य असते तर काही वेळेस गंभीर असते. 

तर काही अ‍ॅलर्जी या जुन्या असतात ज्या औषधांमार्फत दूर केल्या जाऊ शकतात. पण तुम्हाला कोणती सौम्य स्किन अ‍ॅलर्जी असेल तर रामबाण घरगुती उपाय वापरुन तुम्ही यावर मात करु शकता.

बेकिंग सोडा

Baking Soda for skin allergy

स्किन अ‍ॅलर्जीपासून मुक्ती मिळवण्यासाठी तुम्ही बेकिंग सोड्याचा वापर करू शकता. 

बेकिंग सोडा स्वयंपाकघरातील असा एक पदार्थ आहे जो अनेक समस्यांवर लाभदायक ठरतो. 

पण बेकिंग सोडा वापरताना थोडी काळजी घेण्याची आवश्यकता असते. बेकिंग सोडा त्वचेत पीएच संतुलन राखण्यास मदत करतो.

कसा करावा वापर?

त्वचेवर बेकिंग सोडा वापरण्यासाठी सर्वप्रथम एक चमचा बेकिंग सोडा घ्या आणि त्यात थोडं पाणी मिक्स करा.

आता याची पातळ व मऊ अशी पेस्ट बनवून अ‍ॅलर्जी झालेल्या जागेवर लावा. 

१० मिनिटांनंतर ही पेस्ट धुवा. अ‍ॅलर्जीपासून मुक्ती मिळवण्यासाठी दिवसातून ३ ते ४ वेळा तुम्ही याचा वापर करू शकता.

कोरफडीचा गर

Aloevera Gel for skin allergy

कोरफडीमधील औषधी गुणधर्मांच्या व्याप्तीबद्दल आपण सारेच जाणून आहोत. 

कोरफडीचा वापर अनेक गोष्टींत व अनेक प्रकारे केला जातो. कोरफडीचा ज्यूस देखील लोक तितक्याच प्रमाणात वापरतात. 

स्किन अ‍ॅलर्जीपासून सुटका मिळवण्यासाठी कोरफड एक रामबाम उपाय आहे. 

जर तुम्हाला अ‍ॅलर्जीमुळे शरीरावर खाज व त्वचा कोरडी पडण्याची समस्या उद्भवत असेल तर कोरफडीचा गर खाज व जळजळ अगदी सहज व झटपट रोखेल.

कसा करावा वापर?

खाजेपासून सुटका मिळवण्यासाठी सर्वप्रथम कोरफड घेऊन त्वचेवर लावा. 

जर तुमच्याकडे कोरफडीचे झाड नसेल तर तुम्ही बाजारातून विकत आणून किंवा अ‍ॅलोवेरा जेलचा देखील वापर करू शकता. 

३० ते ४० मिनिटे कोरफडीचा गर अ‍ॅलर्जी झालेल्या ठिकाणी लावून ठेवा. काहीच दिवसांत खाज व जळजळीच्या समस्येपासून मुक्ती मिळेल.

खोबरेल किंवा नारळ तेल

Coconut Oil for skin allergy

खोबरेल तेल स्किन केयरसाठी सर्वात उत्तम तेल आहे. 

यामध्ये मॉइस्चराइजिंग गुणधर्म असतात जे अ‍ॅलर्जी झालेल्या काळात त्वचेची रक्षा करतात. 

इतकंच नाही तर नारळ तेल अ‍ॅलर्जीमुळे होणारी खाज देखील थांबवतं.

कसा करावा वापर?

एका वाटीत थोडं खोबरेल तेल घ्या आणि ५ सेकंदासाठी ते गरम करा. हे कोमट तेल त्याजागी लावा जिथे तुम्हाला अ‍ॅलर्जी झाली आहे. 

लक्षात ठेवा, तेल अ‍ॅलर्जी झालेल्या ठिकाणी फक्त लावा चुकूनही मालिश करू नका. 

१ तास तेल तसंच राहू द्या. या तेलाचा वापर तुम्ही ३ ते ४ तासांनी पुन्हा करू शकता.

अ‍ॅप्पल सायडर व्हिनेगर

Apple Cider Vinegar for skin allergy

अ‍ॅप्पल सायडर व्हिनेगरचा वापर लोक सामान्यत: वजन कमी करण्यासाठी आणि पचनक्रियेसंबंधित त्रास दूर करण्यासाठी केला जातो. 

पण हे फक्त वजन कमी करणं किंवा डायजेशन ठीक करण्यासाठीच नाही तर उत्तम स्किन केयर एजंटही आहे. 

यामध्ये अ‍ॅसिटीक अ‍ॅसिड असतं, जे त्वचेवरील खाज व अ‍ॅलर्जी कमी करतं. पण नाजूक त्वचेवर याचा वापर करू नये.

कसा करावा वापर?

एक कप गरम पाण्यात एक टिस्पून अ‍ॅप्पल सायडर व्हिनेगर मिसळा. 

आता कापसाच्या बोळ्याने हे मिश्रण अ‍ॅलर्जी झालेल्या ठिकाणी लावा. 

आता हे सुकण्यासाठी ठेवा आणि काही वेळानंतर थंड पाण्याने जागा धुवून घ्या. 

हा उपाय तुम्ही दिवसातून कमीत कमी २ वेळा करू शकता.

टी-ट्री ऑइल

Tree tea oil for skin allergy

टी-ट्री ऑइल मुरूमांपासून सुटका मिळवण्याचा सर्वोत्तम मार्ग आहे. 

स्किन अ‍ॅलर्जीमध्येही हे तेल लाभदायक ठरते. यामध्ये अ‍ॅंटीमायक्रोबियल आणि अ‍ॅंटी इन्फ्लमेट्री गुणधर्म असतात, जे कित्येक प्रकारच्या अ‍ॅलर्जीपासून सुटका मिळवून देण्यास मदत करतात. 

त्वचेवरील लाल चट्टे आणि खाज यासाठी टी-ट्री ऑइल चांगला उपाय आहे.
Admin
Admin

मला माझे राष्ट्र भारत आणि विशेषतः त्याचे अध्यात्मिक आणि सांस्कृतिक ज्ञान आवडते. मला भारताच्या वैदिक ज्ञानाची आवड आहे. म्हणून मी वेद, योग आणि आयुर्वेदचा उत्साही विद्यार्थी आहे. तसेच, मी एक ब्लॉगर पन आहे.

No comments:

Post a comment